Меѓународниот Ден на жената се обележува на 8 ми Март секоја година. Тој ден се слават економските, политичките и социјалните достигнувања на припадничките на женскиот пол, а сето тоа започнало уште во средината на 19ти век. Лошите услови за работа и ниските плати на жените вработени во текстилната индустријата, доведоа до протести во Њујорк, а со тоа и формирање на женски синдикати, за во првите години од 20 век како резултат на повеќегодишните протести, се роди идејата на меѓународно ниво да се прогласи ден кој ќе им припадне само на жените и беше избран 8ми Март. Меѓународниот Ден на жената беше востановен во 1910 година на првата Меѓународна женска конференција во Копенхаген, а веќе една година подоцна беше обележан од повеќе од еден милион луѓе во многу европски земји.
Подароци кои ќе ги воодушеват сите жени во вашиот живот!
Денот на жената е од исклучителна важност и денес, иако во Македонија ја нема силата на државен празник, масовно се обележува и има своја тежина, но мора да се забележи дека има добиено мала комерцијална нота, исто како празникот Денот на вљубените. Бројни брендови се подготвени за Меѓународниот Ден на жената со соодветни производи кои ќе ги воодушеват сите жени во вашиот живот; мајки и баби, сестри и ќерки, сопруги и животни партнерки, пријателки и бизнис колешки.
Во продолжение ви нудам неколку предлози што да се подари за Денот на жената – 8 ми Март!
