- Реклама -

- Реклама -

- Реклама -

- Реклама -

Уметничка парфимерија и niche мириси? Кога пристапувате во светот на уметнички парфимерии, сигурно ќе наидете на изразот – niche мириси. Тоа е збор кој носи вкус на разлика, издвојување од масата.

Esxence – настан посветен на niche мириси!

Esxence е водечки меѓународен настан посветен на niche мириси, можност ентузијастите од целиот свет да се сретнат со вистинските протагонисти на фасцинантниот свет на мириси, каде што на историјата и традицијата им се приклучуваат иновацијата и истражувањата.

Esxence изложбата се одржува во Милано и претставува уживање во откривањето на нови трендови и мириси кои остануваат долго во сеќавање. Esxence 2019 се одржа од 25 до 28 април 2019 година и собра повеќе од 200 луксузни брендови во две изложбени простории. Во времетраење од четири дена на јавноста и беше претставен богат календар на настани и интересни случувања за уникатно и незаборавно искуство. На изложбата се преставија одбрани и луксузни брендови кои доаѓаат од целиот свет и можат да се пофалат со исклучително висок квалитет, со цел да се понуди само најдоброто.

- Реклама -

Трендови за 2019 година!

Esxence 2019 навистина донесе повеќе фантастични креации кои сигурно ќе бидат популарни во наредниве години. Трендот на цветни парфеми беше сеприсутен, мирисите полесни и софистицирани. Рози, љубичици, ирис, мимоза, цвет од јасмин… цветните теми од сите страни привлекуваа внимание. Мошусот исто така актуелен, а гурманските парфеми беа присутни, но помалку од претходните изданија, додека соларните мирисни композиции се во подем. Новиот тренд го пронаоѓа својот пат, цветно-гурманските композиции се етаблираат помеѓу слатките и класично цветни мириси како компромис на поранешните трендови, но неколку прекрасни овошни мириси одушевуваа со своето присуство.