Колекцијата на машки парфеми Luna Rossa на Prada е именувана по едрилицата и тимот „Luna Rossa“ (црвена месечина), кои учествуваат во натпреварите на Купот на Америка. Мирисите од оваа линија ја црпат својата инспирација од светот на екстремното едрење, престижот, морската природа и страста за победа.
Luna Rossa претставува ода на високи перформанси преку врвни иновации. Свежи и заживувачки мириси за успешно соочување со секој предизвик и постигнување на најдоброто.
Почит на пионерскиот дух на авантуристите!
Prada Luna Rossa Ocean – последното издание на колекцијата, претставува смелост кон нови искуства. Мажествена и исклучително елегантна – мирисната композиција е наменета за модерниот авантурист.
View this post on Instagram
Актерот и продуцент Jake Gyllenhaal е заштитно лице на впечатливата рекламна кампања. Со поглед кон огромниот син океан и надополнет со енергијата на Prada Luna Rossa Ocean, авантуристот е подготвен да ги надмине своите граници.
Стимулативен мирис за најдобар перформанс!
Luna Rossa Ocean, за разлика од оригиналното издание кое се базираше на нота од лаванда, содржи пудрест и нежен акорд на ирис заедно со лаванда во срцето. Свежината на композицијата ја обезбедува бергамот во отворањето на мирисот, додека дрвенестите ноти на ветивер и пачули се комбинирани во основата со мошус за допир на софистицираност. Креацијата ја потпишаа парфимерите Anne Flipo и Carlos Benaim.
Дизајнот инспириран од модерните едрилици!
Дизајнот на шишето е потпишан од Yves Behar. Инспириран е од модерните едрилици како и од опкружувањето на компетитивното едрење.
Мирисот е достапен како Eau de Toilette во шишенца од 50 и 100 мл.
View this post on Instagram
