- Реклама -  

Во последниве години, многу се зборува за штетните ефекти од сонцето, но исто така и за одредени супстанции и соединенија кои се наоѓаат во производите за сончање. Денес доказите за тоа колку еден крем е добар и безбеден може да се мери со неговото влијание врз животната средина. Затоа треба да знаете како да ја изберете вашата крема за сончање што најмногу ќе одговара на вашата кожа, но исто така ќе има поволен ефект врз животната средина.

SPF – значење!

Sun Protection Factor – SPF е „мерка“ која покажува колку долго можете да останете на сонце без да изгорите! Без заштита на сонце може да останете до 10 минути, а со крем фактор 30 до 300 минути, односно 30 пати подолго отколку кога сте без заштита, но само под услов кремот редовно да го нанесувате на кожата. Производите декларирани како SPF 15 блокираат околу 94% UVB зраци, оние со SPF 30 околу 97%, а со SPF 50 блокираат околу 98% UVB зраци. Изложеноста на сонце без заштитна крема доведува до оштетување на кожата и забрзување на стареењето, затоа ве советувам што е можно поскоро да набавите крем со заштитен фактор.

Како да го користите SPF факторот!

Препорака на дерматолозите е да се користи SPF факторот во текот на целата година, но во летните месеци SPF факторот мора да биде многу поголем – помеѓу 30 и 50. Кремот се нанесува 20-30 минути пред изложување на сонце, со цел да се формира заштитен слој на кожата.

- Реклама -

Ако цел ден сте изложени на сончеви зраци, обновувајте го слојот од заштитен фактор на секои два часа, без оглед на тоа кој фактор го користите, но и после секое влегување во вода. Кремот за тело не го нанесувајте на лице, бидејќи кожата на лицето е многу поосетлива и бара посебна грижа. Во спротивно ќе ја замастите кожата, ќе ги затворите порите и ќе создадете одлична подлога за создавање на мозолчиња. SPF заштитата задолжително мора да ја нанесете пред шминката, а за усните користете балсам за усни со UV заштита.

Што е потребно да содржи кремот за сончање?

Кога купувате крем за сончање, важно е да изберете крем кој штити од UVA и UVB зрачење, а таквите креми обично содржат хемиски и минерални филтри. Изберете производи кои содржат минерални филтри кои создаваат физичка бариера на кожата и со тоа обезбедуваат добра заштита, но добриот крем за сончање треба да биде стабилен под дејство на сонцето, да не продира во кожата и да ги одбиваа UV зраците од кожата.

Ова се состојките кои треба да ги содржи вашиот крем за сончање:

Титаниум диоксид – Минерал за заштита на кожата, го блокира ултравиолетовото зрачење и посебно е погоден за чувствителна кожа.

Цинк оксид – Супстанца која создава бариера на кожата и ги одбива UV зраците. Ефикасен, долготраен и посебно популарен поради неговите антивоспалувачки својства.

Авобензон – Обезбедува одлична заштита и речиси не продира во телото.

Mexoryl SX – Блокатор со широк спектар. Тој е водоотпорен, многу стабилен на сонце и не ја иритира кожата.

Ретинол палмитат – Форма на Витамин А кој покрај anti-age својствата ја спречува појавата на изгореници од сонцето.

Витамин Е – Ја заштитува кожата од сончеви зраци, иритација и предвремено стареење.

Глицерин – Штити од надворешни влијанија и го чува здравиот изглед на кожата.

Shea butter – Ја храни и хидрира кожата, ја одржува влагата, го намалува воспалението, помага во создавање на колаген, ги намалува брчките, ја прави кожата понежна и дава сјај.

- Реклама -