Течната пудра веројатно е најомилен мејкап производ на секоја жена. Таа едноставно е потребна во секој несесер, независно од типот или возраста на вашата кожа. Пудрата ќе го направи изглед на вашето лице беспрекорно свежо, ќе ги покрие сите несовршености и ќе создаде идеално платно за понатамошните чекори во шминкањето.

Супер лесни трикови со течната пудра!

Сепак, дали знаете како да го извлечете максимумот од течната пудра? Затоа, прочитајте ги овие 7 супер лесни трикови кои ќе ве воодушеват!

Како да ја изберете вистинската нијанса?

Колку пати ви се има случено половина час да стоите пред штендерот со декоратива, а да не можете да се одлучите за вистинската боја? Затоа, следниов трик е идеален: одберете три нијанси на пудра што мислите дека би можеле да ви одговараат и нанесете со прст во форма на исправени линии, од половина на образот надолу до коската на вилицата. Секоја од нив изблендирајте ја со прстот, а таа нијанса што најдобро се стопи со вашата кожа е идеалната нијанса.

Дали пудрата е премногу жолта или повеќе розе?

Ако сте направиле грешка при купувања на пудра и сте ја одбрале таа која е премногу жолта или премногу розова, не очајувајте. Можете да ги користите како супер-коректор: ако пудрата е премногу розова, идеално ќе ви послужи за покривање на вашите темни кругови околу очите. Розовата боја извонредно ги покрива модрите и жолтите подочњаци  и ги освежува. Од друга страна, премногу жолта пудра може да се искористи за покривање на црвенилото околу носот или акните на вашето лице.

Пудрата е премногу светла или темна?

Ова сигурно е најчестата грешка што ја правите кога купувате течна пудра, но имам решение за овој проблем. Не фрлајте ја пудрата, ако сте купиле премногу темна пудра, само додадете малку посветла нијанса на пудра и со мешање нанесете ја на лицето. Истото важи и за премногу светла нијанса на пудра, само помешајте малку потемна нијанса и ќе ја добиете посакуваната боја. Затоа, идеално е да  имате една пудра со летна потемна нијанса и една светла зимска нијанса.

- Реклама -

Пудрата е претешка на вашето лице?

Често ви се случува да  купите пудра со висока покривна моќ, која често дава ефект на маска на лицето. Точно е, пудрата ги покрива сè, но вашиот изглед може да биде неприроден, особено ако ја носите секојдневно. Затоа пудрата може да ја измешате со вашиот дневен крем. Едноставно измешајте капка од вашата високо покривна тешка пудра и малку дневен крем и ќе добиете нешто слично на тониран крем, кој е идеален и лесен за дневна употреба.

Пудрата секогаш нанесувајте ја од центарот на лицето према надвор!

Бидејќи централниот дел од лицето обично е  најпроблематичен поради Т зоната, секогаш започнете го нанесувањето на пудрата на овој дел од лицето, каде што ќе употребите поголем дел од пудрата. На овој начин, ќе добиете поголема покривност на оваа проблематична зона, а вашето лице нема да изгледа како “cakey”.

Матирајте го тенот на лицето со специјални хартии за матирање!

Ова е извонреден трик ако Т зоната во текот на денот ви се замрсува и не сакате да додадете нов слој пудра. Затоа на сцената доаѓаат хартиите за матирање! Тоа се тенки мат хартии, со голема впивувачка моќ, при што само треба да ги притиснете на челото, носот и брадата и тие ќе го матираат вашето лице без да ја уништат шминката. Важно е да ги тапкате на лицето, не да ги влечете. Ако немате матирачки ливчиња, може да употребите хартиени марамчиња, од кои ќе одделите еден тенок слој и ќе тапкате по лицето.

Сакате сјаен финиш, но Т зоната ви се масти?

За сите дами на кои не им се допаѓа мат изгледот на лицето, но преферираат свеж и блескав изглед на кожата, а имаат проблем со Т зоната, постои одличен трик! Едноставно матирајте ја Т зоната која има тенденција да се измрси со пудра во прав или камена пудра, но остатокот од лицето немојте да го матирате. Така ќе добиете свеж изглед, без несаканиот мрсен изглед на Т-зоната.