Во светот на модата и во светот на убавината постојат некои класици кои се безвременски и во секое годишно време и во различни прилики изгледаат – фантастично! Кога станува збор за убавината, таков култен статус има црвениот кармин. Жените едноставно го сакаат, бидејќи има моќ во секунда да ја освежи и наједноставната комбинација. Не знаете како да се нашминкате? Изберете црвен кармин! Гардеробата ви изгледа досадно? Заокружете го вашиот изглед со црвен кармин! Црвената боја во исто време е атрактивна, предизвикувачка, бунтовна, елегантна и дамска, а ретко кој производ предизвикува толку многу епитети. Она по што црвениот кармин е посебен е фактот дека статусот на класик го нема само во светот на убавината, туку ги премина границите и стана синоним за самодоверба и гламур.
Прекрасни црвени нијанси со различни текстури!
Се разбира, црвениот кармин има ваков „третман“, затоа што им одговара на сите, само потребно е да го одберете вистинскиот производ за себе. Сепак, ова не е проблем бидејќи во парфимериите се достапни најразновидни нијанси, почнувајќи од раскошни кремасти текстури до течни кармини со кадифен ефект.
Листата на најпопуларните црвени кармини дефинитивно е предводена од карминот на брендот Dior со нијансата 999, проследен со хит црвената Ruby Woo со потпис на брендот MAC. Многу обожавана нијанса кај дамите е 45 Rouge Tuxedo од YSL Rouge Volupté линијата на кармини. Исто така одвоив еден кармин со прифатлива цена – Rouge Edition Velvet со нијанса 01 Personne ne Rouge од брендот Bourjois, кој може да го пронајдете во најблиската парфимерија.
Во продолжение за вас издвоив 10 одлични кармини кои го имаат статусот на класици во козметичкиот несесер и ако не сте ги пробале досега, ова е вистинско време затоа што навистина ќе ги обожавате!
Dior Rouge Dior 999
Chanel Rouge Allure 99 Pirate
Lancôme L’Absolu Rouge Hydrating Shaping 132 Caprice
MAC Matte Lipstick Ruby Woo
Estée Lauder Pure Color Love
Lancôme L’Absolu Lacquer Be Happy
Yves Saint Laurent Rouge Pur Couture Satin Radiance 01 Le Rouge
Guerlain Lipstick KissKiss Love Kiss
Yves Saint Laurent Rouge Volupté 45 Rouge Tuxedo
Bourjois Rouge Edition Velvet 01 Personne ne Rouge
