Стилот е неизбежен при изборот на бојата на лаковите или понудените примероци што ќе ги аплицираме на ноктите. Некои постојано ќе бидат доследни на една палета на бои, додека други ќе бидат најсреќни со луди нијанси и насликани мотиви. Во секој случај, во потрага по добри идеи за најдобар маникир, Instagram е неисцрпен извор на инспирација и може да донесе по нешто за секого. За да ви го скратам времето за пребарување, избрав четири Instagram профили на кои секогаш го наоѓам токму она што го барам.
TROU DE LAPIN
Брендот за лакови Trou de Lapin е совршен за минималистички дизајни. Instagram профилот е од Кореја и секогаш е посветен на едноставни маникири во иновативни, но совршени нијанси. Понекогаш ќе си поиграат со боење на секој нокт во различна боја, но тоа ќе биде пригушено, координирано, така што изгледа беспрекорно, неприметно и иновативно.
THE HANG EDIT
The Hang Edit е Instagram профил на Hang Nguyen козметичарка од Лос Анџелес. Таа е специјализирана за многу прецизни и богати со детали сликички на ноктите, од кои не ќе можете да поминете незабележано.
PAINBOX NAILS
Paintbox Nails е козметичко студио во Њујорк, кое е обожувано од сите трендсетери. Барате маникир што никој го нема, истражите го нивниот Instagram профил, особено нивниот популарен color block маникир.
OLIVE & JUNE
Olive & June исто така е козметичко студио со нагласок на нега на ноктите, со седиште во Калифорнија. Минималистички маникир или оној максимистички, можете да го пронајдете на нивниот профил. Ќе уживате во прегледот на нивните фотографии на Instagram.
