- Реклама -

- Реклама -

- Реклама -

- Реклама -

Мирисната колекција Dolce на италијанскиот бренд Dolce & Gabbana е збогатена со нова креација Dolce Shine како цветно-дрвенест-мошусен мирис нијансиран со интензивни и сочни овошни ноти и нежни солени акорди. Ако се сетите на минатогодишниот тренд на соларни мириси инспирирани од сонцето и сончевите зраци, најновиот Dolce Shine продолжува во ист стил и зрачи со позитивна енергија меѓу новитетите од 2020 година, воодушевувајќи ги фановите на овој миризлив стил.

Мирисна колекција Dolce!

Покрај соларниот имиџ на Dolce Shine, мирисната колекцијата Dolce ја прати светол, блескав и цветен карактер преку парфемите: Dolce од 2014 година, Dolce Floral Drops од 2015 година, Dolce Rosa Excelsa од 2016 година, Dolce Garden од 2018 година и Dolce Peony од 2019 година.

Споделува чувство за среќа, релаксација и природност!

Новиот Dolce Shine е инспириран од моментите помеѓу зимата и пролетта, кога сончевите зраци даваат живот на градините на брегот на Amalfi. Светлиот и соларен аспект се рефлектира во веселата комбинација на сочно манго и горчлив грејпфрут кој со својата горчина ја буди цветната композиција.

- Реклама -

Светлите ароми на јасмин и цветот од портокал се збогатени со мекост од бело дрво, нијансирани со соленкасти акорди кои нè водат до прекрасниот брег на Amalfi, споделувајќи чувство за среќа, релаксација и природност. Креатор на композицијата е Marie Salamagne.

Создаден како почит на италијанскиот живот и љубовта кон животот!

Отворањето на мирисната композиција комбинира овошни ароми на манго, грејпфрут и диња што сјаат како сончеви зраци над јасминот, цветовите од портокал и солените акорди во срцето на парфемот. Основата на композицијата ја галат кремасти ноти од сандалово дрво и бел мошус. Соларниот и неодоливо свеж мирис е создаден како почит на италијанскиот сладок живот и љубовта кон животот.

Шишенце како претходните изданија, но во жолта боја!

Dolce & Gabbana Dolce Shine ја носи истата форма на шишето и кутијата како и претходните изданија, овој пат во жолта боја и со жолто капаче, со црна елегантна машна околу вратот на шишенцето.

Најновиот Dolce & Gabbana Dolce Shine е достапен во 30, 50 и 75 мл, како Eau de Parfum.