Две летни верзии на Issey Miyake Parfums за сезоната 2020 ќе бидат претставени под заедничкото име Shades of Kolam, создадени од инспирација од патување во Индија.

Бои и мириси од зачини во Индија!

Парфимерките Marie Salamagne, Fanny Le Bras и Clémentine Berry како трио соработуваа во креирањето на парфемите Shades of Kolam. Овие дами го посетија градот Chennai во државата Tamil Nadu во јужна Индија и создадоа нови летни мириси инспирирани од традиционалната форма на цртање Kolam, како уметничко изразување што се пренесува од мајка на ќерка низ безброј генерации и боите и мирисите со кои се соочија на пазарите за зачини во Индија.

Clémentine Berry, Fanny Le Bras & Marie Salamagne

L’Eau d’Issey Shades of Kolam

Женското издание L’Eau d’Issey Shades of Kolam е цветен, дрвенест и соларен мирис. Парфемот при отворање зрачи со нотите од грејпфрут, цветните ноти на фрезија, но со благо навестување на кардамон. Главната нота во срцето на мирисот е индиски самбак јасмин, со малку мирисни акорди на роза. Основата вклучува млечен басмати ориз со „рафиниран, урбан“ допир на кедар.

L’Eau d’Issey Pour Homme Shades of Kolam

Машкото издание L’Eau d’Issey Pour Homme Shades of Kolam е дрвенест, зачински, зелен мирис. Мирисните ноти на почетокот вклучуваат кардамон, потпомогнат од два свежи цитрусни акорди на помело и бергамот. Срцето на композицијата содржи зелен чај и елеганција на семе од коријандер. Дрвенестите ноти на основата се предводени од кедар и кашмир, кои ја евоцираат топлината на јужниот дел на Индија и арома на чај од кардамон, кој се пие на пазарите во градот Chennai.