За време на летните денови не размислуваме за тешки мејкап производи, бидејќи посакуваме полесно чувство на лицето, затоа пудрите за лице што даваат чувство на маска дефинитивно не се добар избор. Динамичниот начин на живот и недостатокот на сон често остава траги на вашето лице, па посегнувате по пудра што ќе го измазни лицето и ќе ги покрие сите недостатоци. Сепак, во летните денови тешките пудри подобро оставете ги на страна, а добра алтернатива за нив е BB кремот или коректорот. По нанесување на навлажнувачки крем со заштитен фактор, наместо пудра нанесете само коректор.
Коректор прилагоден за летна рутина!
Многу често коректорот се прикажува како „мал волшебник“ во козметичкиот несесер и тој навистина може да направи чуда во ситуации кога сакате да ги покриете „критичните“ делови на лицето или темните кругови под очите кои на многу жени им се вечен непријател. Како и со другите мејкап производи и коректорот треба да се прилагоди на летната рутина и да ги изберете оние кои нема да се топат на високите температури, со што би го избегнале несаканиот „cakey“ ефект кој секогаш треба да го избегнувате.
Не заборавајте на „внатрешната“ грижа!
Покрај изборот на вистинскиот коректор за покривање на недостатоците и темните кругови, не заборавајте на „внатрешната“ грижа со која барем делумно може да се спречи појавата на истите. Потребно е да се испијат најмалку осум чаши вода на ден, а секое утро добра идејата е да го измиете лицето со ладна вода за да се освежите и се разбира да нанесете крема околу очите. После тоа, ќе бидете подготвени за коректор, а за вас издвоив некои одлични што ќе ви бидат голем сојузник во летните денови!
Lancôme Maquicomplet Complete Coverage Concealer
YSL Touche Éclat High Cover Concealer
Bobbi Brown Face Make-Up Concealer
MAC Studio Finish Concealer
Maybelline Age Rewind Concealer
Bourjois Radiance Reveal Concealer
Max Factor Radiant Lift Concealer
