Alien Mirage и Alien Man Mirage ќе бидат промовирани како ограничени изданија и нови толкувања на оригиналните Alien од 2005 година и Alien Man од 2018 година. Концептот за новиот мирисен пар е замислена фатаморгана.
„Во непрегледна пустина, фатаморганата нè плени со својата свежина после бурата, давајќи живот на прекрасниот цвет што носи порака за надеж“.
Alien Mirage Eau de Toilette
Женскиот Alien Mirage Eau de Toilette е опишан како цветно-килибарски мирис со водени тонови што оставаат силна, јасна и кристална трага, составена од три откритија:
Минерално откритие – збогатено со зачинети ноти на розов бибер, откритие на фатаморганата – осветлено со нотите на цветот syringa и цвет од лотос и блескаво откритие – богато со ноти од бел килибар и дрвото hinoki.
Женското издание Alien Mirage ќе биде достапно во 60 мл, како Eau de Toilette.
Alien Man Mirage Eau de Toilette
Машкиот Alien Man Mirage е најавен како блескав мирис што припаѓа на семејството дрвенесто-водни-кожни мириси и комбинира минерални акорди на смрека со свежи, водени ноти, засилени со софистицирани ароми на кожа и пачули.
Alien Man Mirage за мажи ќе биде достапен во 100 мл, како Eau de Toilette.
