Не може да се негира промената што Rihanna ја создаде во индустријата за убавина со лансирањето на нејзиниот бренд за убавина Fenty Beauty во 2017 година. Но, тоа беше само првиот чекор на пејачката кон создавањето на нејзиниот сопствен Fenty универзум, кој се прошири со производи за нега на кожа, долна облека, па дури и луксузна модна линија на облека. Запознајте го Fenty Eau de Parfum – новиот мирис на Rihanna кој се распродаде веднаш по лансирањето.
„Тоа е она што најмногу го сакам: тоа е искуство, тоа е спомен, вклопен во мирис. Мирис кој никогаш нема да го заборавиш. Направив мирис за себе и сега го споделувам со вас“ – вели Rihanna.
View this post on Instagram
Сензуален, зачинет и сладок одеднаш!
Надворешното пакување на парфемот е со живописна сина боја што се користи во модната линија Fenty. Мирисот е сместен во стаклено шише со килибарно-кафена боја, дизајнирано да се вклопи совршено во дланката на Rihanna. Во шишенцето се наоѓа унисекс елегантен мирис кој е суров, сензуален, зачинет и сладок одеднаш. Парфемот Fenty Eau de Parfum го отелотворува се она што го претставува Rihanna. Кафеавата е нејзината најомилена боја, па затоа ја избра темната килибарна нијанса за шишето со мирис.
Rihanna ги избра и нотите на парфемот!
Магнолија и мошус се обединуваат со мандарина, боровинка и навестување на бугарска роза, гераниум и пачули, за да создадат уникатна мешавина што се изразува уникатно на секој носител, за смел и сензуален мирис. Rihanna создаде мирис што зачудува и примамува.
Интимен унисекс мирис што е сè што чувствувате, сè што сте и сè што сакате да бидете!
Таа отпатува во Грас, Франција, каде што работеше со Jacques Cavallier Belletrud, главниот парфимер на Louis Vuitton. Заедно создадоа мирисна креација, парфем кој се опишува како „едноставен во конструкцијата, со фантастични состојки“ и не му е потребно време за да се развие – за разлика од повеќето парфеми, на мирисот не му треба време да стане целосно робустен. Она што веднаш го мирисате е она што го добивате.
