Kim Kardashian ја промовираше својата нова колекција на мириси KKW Fragrance Opals, најнови парфеми што се приклучија на нејзината парфемска империја. Новата мирисна трилогија е претставена како нешто ново и различно, преку три мирсни креации инспирирани од скапоцениот камен опал.
View this post on Instagram
Парфеми страсни по природа!
KKW Fragrance овојпат претстави нешто ново, мирисна колекција наречена Opal. Најновата линија со три различни мириси содржани во блескави шишиња во форма на јајце со цветни, овошни и земјени креации, инспирирани се од истоимениот скапоцен камен. Трите различни мириси насловени се како Opal Mood, Opal Drip и Opal Energy.
Мирисот на опал има за цел да ја интензивира љубовта!
Опал е камен со кој Kim има длабока врска. Опалот може да биде во различна форма на кружни камења кои имаат силни врски со лојалноста, довербата и среќата. Сепак, преку оваа колекција, мирисот на опал има за цел да ја интензивира љубовта, страста, лојалноста и довербата.
„Навистина сакав да ги предизвикам тие емоции преку сите три мириси. Едвај чекам да ги пробате овие нови мириси“, напиша Kim Kardashian на Инстаграм.
Opal Mood
Блескави цитруси и росно овошје се мешаат со чист јасмин, свежа фрезија и нектар од растението познато како орелски нокти за да создадат сјајно женско срце. Кремасто сандалово дрво, свилен мошус и кедар го обвиткуваат овој мирис со сензуалност.
Opal Drip
Се отвора со росно зеленило и смирувачка лаванда, а мирната мешавина од ливчиња од tagetes, бел јасмин и воден крин ги преплавуваат вашите сетила. Во исто време во позадина се развиваат мириси на зашеќерен килибар, дабова мов и ореол од мошус.
Opal Energy
Овој мирис е претставен преку калеидоскоп во бои на сјаен лимон и интензивен ѓумбир. Во срцето доминира букет од тубероза, цвет од портокал и нежен крин од долината, надополнети со топлината од сандаловото дрво, земјен пачули, мошус и ванила.
