Трендовите од минатото се враќаат еден по друг, меѓу нив е некогаш омилениот, а потоа и омразениот француски маникир. Но, во исто време многу e популарна малку понежната верзија на овој тренд, наречена американски маникир.

american manicure

За што станува збор и која е разликата помеѓу овие два стила?

Класичниот француски маникир вклучува бледо розови нокти со изразени бели врвови. Со текот на времето, розовата боја бледееше, а проѕирниот лак со бели врвови се нарекуваше француски маникир. Она што е различно кај американскиот маникир се нијансите – тие се целосно поприродни и суптилни. Значи, сеуште се работи за изглед со долги врвови на нокти, но нијансите главно се нуд, многу нежни, а врвовите се долги до посветла боја, но не толку интензивна како белата во францускиот маникир.

маникир

aмерикански маникир

- Реклама -

Еве како да постигнете маникир во американски стил!

Американски стил на маникир многу лесно можете да направите ако прво ги обоите врвовите со бел лак за нокти, а потоа со нуд нијанса ќе поминете низ целиот нокт, вклучувајќи ги и врвовите.

american manicure 2021

За кого е добар изборот на овој маникир?

Овој тренд особено е прикладен и популарен меѓу оние кои сакаат природен изглед и малку пократки нокти, вистински избор за сите жени со класичен стил кои не сакаат многу да експериментираат. Со оглед дека станува збор за нежен и природен изглед, овој маникир е добар избор за идните невести.

aмерикански маникир 2021

Познатите го обожаваат американскиот маникир!

Примери можевме да видиме насекаде оваа сезона, од Jennifer Lopez на модната ревија на Dolce&Gabbana во Венеција до Lily Aldridge на Мет Гала.

Jennifer Lopez Dolce&Gabbana Venezia

Еден од најголемите трендови оваа сезона со кој не можете да згрешите!

Со американски маникир се нарекуваат и сите стилови кои имаат различни врвови од основата на ноктот, а не се класичен француски маникир. На пример, неутрална основа со врвови во боја на праска, зелена или црвена, златна нијанса… Тоа се видови на американски маникир во различни изданија. Како и да е, ова е еден од најголемите трендови оваа сезона со кој не можете да згрешите, без разлика на приликата и стилот.

- Реклама -