Yves Saint Laurent ја претстави новата верзија на мирисот Libre наречена Libre Le Parfum. Мирисната колекција Libre, лансирана во 2019 година, го слави концептот на слободата – слобода да се биде свој, слобода на избор, слобода за компромис.
Топлината се зголемува со Le Parfum покрај неа!
Во новата верзија „жештината се крева“ со нов, зачинет, меден цветен потпис. Le Parfum е опишан како поинтензивен од кога било – оган во шише. Начин да ја покажете вашата жестока блескава аура, оставајќи блескава трага.
Libre Le Parfum е најконцентрираниот и најдолготрајниот женски парфем од Libre колекцијата. Тој претставува мирисен потпис на зачинетите огнени цветови – „fleurs de feu“, обожавани од самиот господин Saint Laurent.
Зачинета сензација!
Парфимерите Anne Flipo и Carlos Benaim го разгореа мирисниот потпис со топлината на цветот од портокал и ладната лаванда со експлозија на топли зачини. Акордот од шафран носи чувство на жарење. Зачинета сензација! Тоа е мирисна почит на оваа скапоцена состојка, аромата на црвениот шафран која се нарекува „огнено цвеќе“.
Огнен пламен што живее во вашето срце, Libre Le Parfum
Libre Le Parfum е луксузна, топла и зачинета интерпретација на класичниот Libre парфем, со бесконечна цветна трага. Овој женски мирис е смел и долготраен флорален парфем, збогатен со свежа лаванда, цвет од портокал и реткиот топол шафран од Ourika Community Garden, градината на Yves Saint Laurent.
Цветниот сегмент на парфемот го носи потписот на колекцијата со цвет од портокал и различни видови цветови од лаванда. Зачинети и силни акценти даваат шафранот, бергамот, мандарината и ѓумбирот. Во основата, ванилата, медот и ветиверот ја обвиткуваат кожата за чувство на удобност.
Ако се осмелувате Libre е вашиот избор!
Култното парфемско шише е дизајнирано како парче накит од високата мода. Украсено е со детали во златна боја, врамувајќи го џусот во огнено килибарна боја.
Yves Saint Laurent Libre Le Parfum е достапен во шишиња од 30, 50 и 90 ml.
View this post on Instagram
