Без разлика на сезоната и трендовите, маскарата секогаш се наоѓа во вашата мејкап колекција и секојдневната бјути рутина. Маскарата е една од вечните и омилени бјути класици, со која во неколку потези ги нагласувате вашите трепки, за постигнување на оној совршен финиш на секој мејкап изглед, без разлика дали се работи за минимален или гламурозен мејкап изглед. Иако при нанесувањето на бројни мејкап производи се водиме од филозофијата дека помалку е повеќе, кога станува збор за маскарата секогаш сме во потрага по токму спротивниот ефект.
Маскари со магичен ефект на волумен!
Совршената маскара истовремено ги продолжува и создава ефективен волумен на трепките, а резултатот што сакаме да го постигнеме се трепки кои се доволно нагласени како што се оние на рекламите за најновите маскари. Иако навидум сосема едноставен и основен мејкап производ, потрагата по совршена маскара е еден од најчестите и најголеми мејкап предизвици.
Брендовите ги истакнуваат маскарите како нивни најголеми ѕвезди!
Од разновидни до квалитетни формули и производи кои одговараат на најновите трендови во шминкањето, светот на мејкап производите е подобар од било кога, а маскарите се истакнуваат како нивни најголеми ѕвезди. Исто како со другите мејкап производи, во совршена маскара бараме нешто друго. Сепак, ефикасен волумен кој не само што ги нагласува трепките, туку го отвара погледот и ги нагласува очите, секако е едно од најчестите барања.
Ефективен волумен кој ќе го отвори и нагласи заводливиот поглед!
Од луксузните брендови за убавина до широко распространетите брендови, големите имиња во светот на убавината последниве години се посветени на создавање на совршена маскара што ќе им даде на трепките изразен ефект на волумен. Комбинацијата на иновативни четки, долготрајни формули и црна боја, издвои неколку маскара како избор кој ќе ја потенцира секоја трепка, ќе создаде ефективен волумен и ќе го отвори и нагласи заводливиот поглед.
Ви издвоив пет одлични маскари кои со внимателно поставените влакненца на четката, создаваат магичен ефект на волумен на секоја трепка.
L’Oreal Voluminous Lash Paradise маскара
Lancôme Monsieur Big маскара
Maybelline Total Temptation маскара
Max Factor 2000 Calorie маскара
Bourjois Volume Glamour Ultra Black маскара
