Постојат одредени видови на мејкап четки што секој ги има во својот козметички несесер како четка за пудра или четки за блендирање, но постојат и такви за кои не знаеме за што се наменети. Една од тие е кабуки четката! Дали знаете како изгледа и за што служи? Ако тоа е случај – време е да дознаете. Постојат повеќе видови кабуки четки и нивните намени се различни.

Од каде потекнува името „кабуки“?

Кабуки четката е популарен модел на четка за шминкање, која има кратка рачка и густи и кратки влакна. Името го добила по јапонските кабуки театри за танцување, бидејќи актерите нанесувале тешка шминка со оваа четка. Интензивната шминка била важен дел од играните ликови, а дизајнот на четката овозможувал шминката да се нанесува рамномерно на целото лице. Повеќето кабуки четки имаат заоблена глава, но може да бидат рамни или закосени.

Влакната на кабуки четката се густо поставени и набиени, а бидејќи се кратки нанесуваат доволно количество на мејкап производ, без „cakey“ ефект. Освен за мејкап производи во прав (пудра, руменило, бронзер, контури), кабуки четката може да се користи и за нанесување на течна пудра.

- Реклама -

Како се користи кабуки четката?

Сега кога знаете сè за кабуки четките, време е да откриете какви видови на кабуки четки постојат и како функционираат.

Округла кабуки четка! (Round Kabuki)

Доколку сакате шминката да ви трае од утро до вечер, фиксирајте ја со пудра во прав со помош на округла кабуки четка. Со оваа четка ќе постигнете најдобри резултати. Само натопете ја во пудрата во прав и втријте ја во кожата.

Закосена кабуки четка! (Angled Kabuki)

Не можете да одолеете на трендот на контурирање? Треба да додадете закосена кабуки четка во вашата колекција. Оваа мејкап алатка совршено нанесува прашкасти производи за контурирање, за да можете прецизно да го контурирате лицето според ваша желба. Само натопете ја четката во производот за контурирање, лесно тапкајте за да го отстраните вишокот и нанесете преку клучните точки на лицето – под образите, по страните на носот и на слепоочниците.

Купола кабуки четка! (Dome Kabuki)

Бидејќи купола кабуки четката има форма на купола, идеална е за нанесување на хајлајтер, руменило или бронзер. Исто како и за другите кабуки четки, доволно е да ја натопите оваа мејкап алатка во компактна пудра и да ја нанесете на лицето. Оваа купола кабуки четка можете да ја користите за нанесување на пудра за фиксирање на тешко достапните места, како што е пределот под очите и страните на носот.

Рамна кабуки четка! (Flat Kabuki)

Рамната кабуки четка одлично оди со течни, кремасти и прашкасти производи! Таа е мултифункционална мејкап алатка која го подигнува искуството за нанесување на шминка на повисоко ниво. Користете ја оваа четка за нанесување на течна пудра со тапкање и блендирање во кожата, за совршен финиш. Ако користите пудра во прав, едноставно потопете ја кабуки четката во производот и нанесете го на кожата за беспрекорен финиш!

Чистење на кабуки четките!

За вашата омилена кабуки четка да трае што е можно подолго, еве како да се грижите за неа: треба редовно да ја миете, исто како и другите четки за шминкање и бјути блендерите. Валканите четки за шминкање се идеално место за размножување на бактерии, а со цел да ја заштитите од размножувањето на бактерии, потребно е четката да ја миете еднаш во 7 до 10 дена.

Ако нанесувате течни или кремасти производи со кабуки четките, тогаш мора да ја измиете по секоја употреба. Едноставно, навлажнете ја четката, истријте ја на вашата дланка со малку шампон, течен сапун или специјален гел за чистење на четки и исплакнете добро. Оставете ја четката на пешкир да се исуши во странична положба.

ОСТАВЕТЕ КОМЕНТАР

Ве молиме внесете го вашиот коментар!
Ве молиме внесете го вашето име