Идејата за мирисно сонце во парфемско шише, брендот Guerlain многу успешно ја претставува преку мирисната колекција Aqua Allegoria. Еден од мирисите во колекцијата е цитрусниот мирис за жени и мажи – Bergamote Calabria, создаден од парфимерите Thierry Wasser и Delphine Jelk, кои ги потпишуваат повеќето мириси што доаѓаат од брендот Guerlain.

Што нуди ова мирисно издание?

Bergamote Calabria ви нуди прошетка низ овоштарниците со калабриски бергамот, ви нуди да соберете плодови натопени во сонце. Други парфимери, претходно се обидоа да го искористат бергамот како ѕвездена состојка, но еден од проблемите што секогаш го имаа е премногу заситената свежина што ја добиваа на почетокот. Имајќи го ова на ум, парфимерите на Guerlain се одлучија за послатко толкување на оваа суштинско сонце.

Mирис што зрачи како сонце!

Затоа, кај ова издание на Guerlain на прво прскање ја добивате познатата освежувачка арома, која е поврзана со бергамот, но воедно го добивате она што Guerlain го опишува како „суви зачини“. Мешавината од ѓумбир и кардамон помага да се поттикне сензацијата на бергамот и токму тоа на Bergamote Calabria му дава возбудливо отворање. Засладениот мошус го прави мирисното патување комплетно. Тука има и шепотења од грејпфрут и портокал, што го прави овој мирис да зрачи како сонце.

- Реклама -

Прекрасно, едноставно и возбудливо!

Можеби Bergamote Calabria не предизвикува премногу, но мириса прекрасно, едноставно и возбудливо.

ОСТАВЕТЕ КОМЕНТАР

Ве молиме внесете го вашиот коментар!
Ве молиме внесете го вашето име