Кога размислуваме за најдобрите производи против стареење на кожата, нашиот ум веднаш помислува на состојки како ретинол – состојка за бришење на фините линии и брчки или на СПФ – заштитен фактор од сонце или на витамин Ц. Нема сомнеж дека овие три моќни состојки се посакуваното трио кое го зачувува младешкиот изглед на кожата, но во ред е да посакате некои други понежни активни состојки. Тие можат да ни послужат како одлични сојузници против стареењето во нашата секојдневна рутина. Се разбира, се уште стојам на фактот дека ретинолот, витаминот Ц и СПФ се најмоќните состојки против стареење, но не би било паметно да се игнорираат други, подеднакво добри опции.
Anti-Age серуми – моментално најдобри формули!
Серумите се меѓу најефикасните, неинвазивни начини за справување со знаците на стареење. Тоа е затоа што тие не само што ги решаваат проблемите како фини линии и брчки, туку други и „недостатоци“ како хиперпигментација, воспаление, сувост и многу други. За сите овие недостатоци можете исто така да користите Anti-Age крем, но серумите содржат повисоки концентрации на активни состојки. Ова ги прави многу поефикасни и пожелни. Серумите се суперхерои во светот на производите за нега на кожата, бидејќи добриот серум обезбедува максимална корист во борбата против знаците на стареење во 30-тите, 40-тите, 50-тите, 60-тите и подоцна.
Со лесните гел или течни формули кои се корисни за сите типови на кожа, вклучувајќи сува, комбинирана и мрсна, серумите се одличен додаток на секоја рутина за нега на кожа. Посебно ако барате производ против стареење кој сигурно нема да ве разочара, кој ќе ги намали брчките, фините линии, хиперпигментацијата и темните дамки. Бидејќи постојано сме бомбардирани со нови Anti-Age серуми, се обидов да направам избор од моментално најдобрите формули.
Lancôme Rénergie H.C.F. Triple Serum
Origins Plantscription Multi-Powered Youth Serum
The Ordinary „Buffet“ + Copper Peptides 1%
Shiseido Ultimune Power Infusing Concentrate
Elizabeth Arden Retinol Ceramide Capsules
Clarins Double Serum
Lancôme Advanced Génifique Serum
Estée Lauder Advanced Night Repair Serum
