Многу луѓе имаат проблем да ја пронајдат вистинската нијанса на течна пудра поради недоволниот број на понудени нијанси или не знаат како да го одредат подтонот на кожата. Изборот е малку полесен кога имате тестери на располагање во парфимеријата, но кога нема или кога немате можност да ги испробате нијансите поради онлајн купување, изборот станува многу потежок. Затоа, споделувам неколку вредни совети со вас.

Како да ја одредите основната нијанса на тенот?

Нијансата на течната пудра покрај квалитетот и текстурата е најважната ставка при купување на пудра. Пред да изберете нијанса, треба да знаете кој е вашиот тен и подтон на кожата, што е особено важно ако тестерите не ви се достапни или ако купувате пудра преку Интернет.

Порцелански тен:

Карактеристика на овој тен е исклучително бледа кожа, чувствителна на сончеви зраци. Луѓето со порцелански тен обично имаат светли очи и тешко добиваат исончан тен, бидејќи лесно горат на сонцето. Затоа, за нив се препорачува да користат пудра која во својата формула содржи СПФ фактор.

- Реклама -

Светол тен:

Ако вашата кожа не е драстично светла и кога сте доволно упорни можете да потемните, тогаш имате светол тен. Луѓето со светол тен можат да имаат светли и темни очи. Ако тенот ви е светол, не смеете да користите премногу темни пудри поради желба да добиете бронзен тен на лицето.

Средно светол тен:

Кожата на овој тен не е ниту премногу светла ниту премногу темна и лесно ги поднесува сончевите зраци. Се нарекува неутрален тон на кожата, а оние со овој тен најлесно ќе најдат производи за себе.

Темен (маслинест) тен:

Ако тенот постојано ви изгледа исончан, лесно го поднесувате сонцето и имате темни очи, тогаш имате маслинест тен на лицето. Важно е само да не заборавите дека темниот тен е склон кон хиперпигментација повеќе од другите тонови на кожата, поради што препорачливо е да се користи СПФ заштита.

Важно е да одредите кој е вашиот подтон!

Сега кога утврдивте кој е тонот на вашата кожа, важно е да одредите кој е вашиот подтон. Ако пудрата што ја избравте врз основа на бојата на вашиот тен на вас има сивкаста нијанса, тоа значи дека не користите производ наменет за вашиот подтон на кожата.

За да имате совршен тен, треба да откриете кој е вашиот подтон на кожата!

Како да го одредите подтонот на кожата?

Подтонот на кожата го претставува нивото на топлина на вашиот тен и тој се одредува според бојата што преовладува. Значи, правиме разлика помеѓу топол, ладен и неутрален подтон на кожата.

Топлиот тон на кожата вклучува жолтеникав и маслинов тен. Во ладниот тон на кожата преовладува розовата нијанса, а кај неутралниот ниту една од споменатите нијанси не е особено изразена.

Погледнете ја бојата на вашите вени на природно светло и лесно утврдете го подтон на вашата кожа – ако вените ви се маслиново зелени, тонот ви е топол, додека сините или виолетовите вени значат ладен подтон на кожата. Ако не можете да одлучите дали вашите вени се зеленикави или сини, тоа значи дека тонот на кожата е неутрален.

Како да изберете пудра кога нема тестери или кога купувате онлајн?

Дополнителен совет!

Ако среброто ви одговара повеќе од златото, вашиот подтон е ладен, а ако повеќе ви одговараат златните нијанси, вашиот подтон е топол. На неутрален тен добро стои и сребрениот и златниот накит. Затоа, имајте го тоа на ум кога одлучувате со кој накит ќе го разубавите вашиот изглед.

Се надевам дека ви го олеснив изборот на пудра кога ја купувате преку Интернет. Сега треба само да кликнете на линков и да ја набавите вашата пудра.