Како што ја менуваме зимска облека со полесна облека со првите зраци на сонцето, така и интензивните зимски парфеми треба да ги замениме со полесни ноти кои мотивираат и потсетуваат дека среќата е насекаде околу нас!
Дали знаете дека мирисот на кожата се менува со промената на надворешната температура и временските услови? Затоа, еден ист парфем може да мириса сосема поинаку во пролет, лето, есен или зима. Но, тоа не е единствената причина зошто парфемите треба да се приспособат на годишните времиња. Експертите велат дека интензивните, дрвенести и зачински парфеми се резервирани за студените денови, а лесните цветни и овошни парфеми за топлите денови.
Чекајќи ги новите љубови, дружење и патување, ги вдишуваме моќните мириси на природата, опојните цветови на јасмин, роза, ирис, затоа време е да се намирисаме во склад со најубавото годишно време – опојно, заводливо и свежо! Сега е вистинското време да го пронајдете идеалниот парфем, а јас ќе ви помогнам!
Lancôme Idôle Aura
Lancôme Idôle испиша ново поглавје со лансирањето на новиот уште поволшебен мирис. Idôle Aura носи освежителни ноти на роза, мошус и јасмин. Тоа е мирис кој создава силна аура околу секоја жена, мотивирајќи ја да има незапирлива енергија. Idôle го отвора патот за другите, цела генерација на жени ја носат пораката дека секоја жена треба да биде идол за себе. Ова е женски мирис кој води до подобра иднина, бидејќи користи состојки од одржливи извори, а во исто време создава совршен цветен мирис.
Овој цветно-ориентален парфем е еден вид симбол на женската сила и ода за сите убавини во животот.
Armani My Way
Под слоганот „Јас сум она што го живеам“, овој опоен мирис на свеж букет бели цветови испраќа јасна и силна порака. Armani My Way е модерен цветен парфем за новите генерации, наменет е за моќни жени со отворен ум, жени кои ја бараат смислата на животот и кои богатството не го мерат со пари, туку со непроценливото искуство!
Автентична и моќна комбинација од бергамот и цвет од портокал од Египет, рачно набрана индиска тубероза специјално произведена за Armani, два вида јасмин, бурбон ванила, бел мошус… претставуваат уникатна симбиоза која навестува возбуда.
Yves Saint Laurent Libre
Libre на француски значи слобода која е присутна во сите елементи на овој сензуален парфем. Наменет е за моќни жени кои слободата ја ставаат на прво место. Yves Saint Laurent Libre за вас порачува дека вие сте тие што одлучуваат што е најдобро за вас. Култното шише на Libre изгледа како да ја нагласува елеганцијата и женственоста, додека златното лого изразува екстраваганција и нов потпис на слободата. Тие неодоливо се нудат како симбол на женственоста.
Valentino Born In Roma Yellow Dream Donna
Valentino Donna Born In Roma Yellow Dream е инспириран од градот Рим и жолтата боја. Опиени од овој мирис, ќе се чувствувате како да шетате низ улиците на Рим. Благодарение на неговата волшебна миризлива композиција, ја нагласува женственоста, живиот карактер и невидливиот сјај што го обвива целото ваше постоење. Парфемот го краси многу специфично шише кое е украсено со логото на Valentino со светло жолти букви.
Заедно со црвената, жолтата е една од двете бои карактеристични за италијанската метропола и тие се незаменлив дел од структурата на градот Рим. Покрај тоа, таа е незаменлива во светот на високата мода.
Emporio Armani Because It’s You
Два краја на иста приказна, приказни за вечната љубов! Два испреплетени прстени како симбол на испреплетени тела – Because It’s You за неа и Stronger With You за него! Armani создаде два компатибилни мириси кои имаат за цел да донесат рамнотежа во морето од страст и емоции. Парфемот за неа е женствен, инстинктивен, неодолив, храбар и инстантно заводлив. Го симболизира нејзиниот љубовен копнеж, открива што има во нејзиното срце и вели – „Затоа што си ти“.
Armani Sì
Софистицираниот парфем Armani Sì е совршено усогласен со духот на италијанскиот бренд Armani. Наменет е за сите софистицирани дами кои не се плашат од својата сила и го живеат животот во потполност. Комбинацијата од цветни ноти, црна рибизла и фрезија е вовед во миризлив концерт кој ќе се разбуди во вас преку емоции и ќе ви помогне да кажете „да“. Одлучно до слободата, соништата, љубовта и себеси.
